الطيب ما كلن تعلى جواده

الطيـب ماكلـن تعلـى جــواده
دونه مطبـات ومياهيـف وحيـوف 

ولاكل من حـاول توصـل شـداده
شوهاقتن دونه تحده على جـروف 

ماهو تصنع من بغا الطيـب جـاده
غريزتن يصبح به الشخص مكلوف 

والطيب لأهل الطيب منبع وعـاده
ماهو خفي عند الاجاويـد مكشـوف 

من وهبـة المولـى عظيـم الاراده
والله خلق ناسن على ناس به نوف 

منهم كريـم الكـف يابعـد مـاده
وعلمه يشرف عند الأجناب معروف 

يشيل حملـن فـوق حملـه زيـاده
ولايشتكي من ضيم حمله على كتوف 

ومنهـم كريـم وطيبـن باجتهـاده
ويفرح ليا شاف المسايير وضيـوف
 
ونوبن يخونه وقتنـا فـي عنـاده
والكل منا شاف من وقتـه ظـروف 

والا الردي للطيـب مابـه جـلاده
وش عاد لو يملك ملايين ونصـوف 

عزات للـي فيـه شـال اعتمـاده
الهيس هيس ولانفع ناس دنـدوف
 
ساس الردى له عادتـن باللبـاده
ويكره لياشاف المساييـر مكسـوف