ماهو الاهتمام الحقيقي

ما هو الإهتمام الحقيقي

وما هو الإهتمام الخاطئ الذي يريده الجميع
طرق للإهتمام - أساسيات الإهتمام

الموضوع اليوم عن الإهتمام:
لو نسأل أي شخص شنو يعني الإهتمام
الجواب: يعني واحد يهتم فيك يسأل عنك ويشتاق لك ويحبك ويخاف عليك وإلخ... جواب صحيح
بس شنو المعنى الحقيقي للإهتمام
الإهتمام الحقيقي هو تواصل مشاعري بحب "بطيب خاطر" دون أي إجبار وضغوط.. مفهوم الإهتمام عند الكل
لازم يقول لي كلام حلو
لازم يسأل عني
لازم يكلمني دايما
لازم يكون معاي على طول
لازم اللي ابيه يسويه
لازم في رومانسيه دايمه
لازم نطلع مع بعض
عندنا الإهتمام بالإجبار للأسف!
-
ولو نشوف المعنى الحقيقي للإهتمام ما راح نلقى فيه أي إجبار لأن محد مضطر يهتم بالثاني الا بطيب خاطر واهو حاب هالشي!
-
لازم نقدر أن اللي نحبه "شريك حياتنا" إنسان وله علاقات اجتماعيه واصدقاء وعمل واهل وحياة خاصه .. ولازم ندرك أن الإهتمام شي ما يطبق ٢٤ ساعه!
يطبق لأمور معينه وبفترات لأن في حياة كامله تشغلنا .. ليش هالكلام قلته؟ لأن في ناس ما عندهم شي الا الاهتمام وحسبالهم علاقتهم بس اهتمام بمفهوم الاهتمام الخاطئ اللي قلته فوق! وهذا هو سبب عدم حصولهم لأي إهتمام!!!!! -
طرق الإهتمام:
- التنوع بإثبات اهتمامي
اهتم في تفاصيله
اهتم اني اضحك معاه
اهتم اقدم له معلومه مفيده
اهتم اني اشجعه واحفزه واكون له سند
اهتم اني اعطيه مساحه لحياته مع غيري
اهتم اني ابي له الخير
اهتم اني اكون سهل التعايش معاه
اهتم اني اعيش مع روحه وعقله وسلوكه ونظرته للحياة مو بس اهتم بمشاعره
اهتم اني اخلي لنفسي قيمه بعينه بأفعالي وكلماتي ومشاعري معاه
وغيرها من الاهتمامات بشكل وطعم ولون ثاني غير الاهتمام المتعارف عليه.

أسياسيات الإهتمام:
إهتمام بالنفس أولا .. التقدير .. العذر .. عدم الإجبار بالاهتمام .. عدم طلب الاهتمام!
6 أسياسيات ضروريه للإهتمام!
-
تبي شخص يهتم فيك؟ طبق هالأسياسيات وبتشوف إهتمامه لك! لأنك ببساطه قاعد تطبق مبادئ الراحه النفسيه بالتعايش والتعامل بدون استخدام ادوات الاجبار بالاهتمام مثل الزعل والعتب والتشرهه المستمرين!

المستشار و المحامي 
حمد الرفدي